Corona Sankat kaal se bhi kuch nahi seekhe hum,jis desh mein Hospitals baan ne pe zor diya jana chahiye tha,wahan Mandir,Masjid,Church, gurudwara banwane ki hod lagi hai,naa ki hospital,clinics,school colleges ki.Aaj toh shayad kai log mujhe naastik bhi keh deinge...par mujhe kisi ke Certificate ki awashayakta nahi hai ki mere liye mere Prabhu,Mere Allah,God, WaheGuruji kya hai,woh mere rom rom mein baste hain,kyun ki shayad mera dharm Insaniyat hai,mera dharm Prem aur Samdrishta hona hai.
Ek aur majdoor palayan karne pe majboor hain,whain kuch dino mein middle class logon ki aatmhatya ki khabar aane ki ghatna badh jayegi,chori,lootmaari,cheena jhapti,dakeiti ki khabar aani shuru ho jayegi(kuch jagah se toh shuru bhi ho gayi hai),par humko kya.hum toh charas laga ke sarkaar pe sab kuch thop ke so jayeinge,kyun ki hum toh tax de ke so jate hain iss bharose ki jo karegi sarkar karegi.
Gaanv gaanv mein jaa ke dekho jahan apne ghar aur aas pados ki saaf safai humko swayam karni padti hai,aapsi bhai chahra banaye rakhna padhta hai.shahar mein ek din Municipality ki gaadi naa aaye toh kachre ka ambaar lag jaata hai ghar mein.
Kaarn hum swayam hain,apni jadon se door humne shahar ke talaab,koodaghar,khaali jungle swayam katwa diye.pashchaat sabhyata mein itna rang gaye hain ki roz ek aam ghar se 5-10 kg kachra nikalna aam baat ho gaya hai.
Jahan hamein ab bhi sarthak baatein karni chahiye thi,wahan hum tera dharm chota,mera mazhab bada karne mein lage hain.
Jahan bahas honi chahiye ki Corona kaal ke baad kaise rozi rozgaar ko patri pe laayein,hum sab apne apne rajyon ki sarkaron,kendra sarkar pe sab chor chaar ke baith gaye hain.Kyun jab hum party karte hain,fizoolkharchi karte hain tab sarkaar se poochte hain ? jab hum kamre ki batti khuli chod jaate hain,paani behta hua chod dete hain,sarkaar ya logon ki parwaah karte hain ?
Lock down shayad badhe,ya purntaah khul jaaye...corona rahe ya na rahe,bas ek sawaal khud se karte rahiyega...main desh ke liye kya kar raha hun,maine desh ke liye kya kiya hai,main desh ke liye kya karna chahta hun...aur main Manvta,insaniyat,aman chain ke liye kya kar sakta tha,kya karna chahta hun,kya kar rakah hun,aur kya karunga.
©Abhishekism ©ekchotasakavi ©lekhakHunBhaiAurNahiBhi
Ek aur majdoor palayan karne pe majboor hain,whain kuch dino mein middle class logon ki aatmhatya ki khabar aane ki ghatna badh jayegi,chori,lootmaari,cheena jhapti,dakeiti ki khabar aani shuru ho jayegi(kuch jagah se toh shuru bhi ho gayi hai),par humko kya.hum toh charas laga ke sarkaar pe sab kuch thop ke so jayeinge,kyun ki hum toh tax de ke so jate hain iss bharose ki jo karegi sarkar karegi.
Gaanv gaanv mein jaa ke dekho jahan apne ghar aur aas pados ki saaf safai humko swayam karni padti hai,aapsi bhai chahra banaye rakhna padhta hai.shahar mein ek din Municipality ki gaadi naa aaye toh kachre ka ambaar lag jaata hai ghar mein.
Kaarn hum swayam hain,apni jadon se door humne shahar ke talaab,koodaghar,khaali jungle swayam katwa diye.pashchaat sabhyata mein itna rang gaye hain ki roz ek aam ghar se 5-10 kg kachra nikalna aam baat ho gaya hai.
Jahan hamein ab bhi sarthak baatein karni chahiye thi,wahan hum tera dharm chota,mera mazhab bada karne mein lage hain.
Jahan bahas honi chahiye ki Corona kaal ke baad kaise rozi rozgaar ko patri pe laayein,hum sab apne apne rajyon ki sarkaron,kendra sarkar pe sab chor chaar ke baith gaye hain.Kyun jab hum party karte hain,fizoolkharchi karte hain tab sarkaar se poochte hain ? jab hum kamre ki batti khuli chod jaate hain,paani behta hua chod dete hain,sarkaar ya logon ki parwaah karte hain ?
Lock down shayad badhe,ya purntaah khul jaaye...corona rahe ya na rahe,bas ek sawaal khud se karte rahiyega...main desh ke liye kya kar raha hun,maine desh ke liye kya kiya hai,main desh ke liye kya karna chahta hun...aur main Manvta,insaniyat,aman chain ke liye kya kar sakta tha,kya karna chahta hun,kya kar rakah hun,aur kya karunga.
©Abhishekism ©ekchotasakavi ©lekhakHunBhaiAurNahiBhi
